Bes = do; 1 ketuk
1. Namadear tumang do mamuji Naibata;
Jahowa tinggian do malayak tong homa.
Dear do patugahkon sogod parholong-Mu
Bodari mandodingkon, bujur-Mu sintong-Mu.
2. Marhitei sigiuton na madear botul.
Maningon tong pujion ni ganup na bujur.
Ham Tuhan Naibatangku malas ma uhurhin.
Binahen-Mu hubangku bai pambahenan-Mu.
3. Tinompa-Mu tarlobih banggal tumang do in.
Pingkiran-Mu tarlobih bagas tumang do in.
Seng dapot in tandaon ni jolma na bodoh;
Ai sibar sibotohon ni na porsaya do.
4. Martunas pe parjahat i atas tanoh on.
Age pe lambin rarat seng lalap in ijon.
Sompong iparontihon Ham haganupan in;
Ai ham do sitongtongan, Ham sitinggian in.
5. Ai munsuhmu Tuhanku, sibaen na jahat in.
In ma ripaskonon-Mu ‘se mambur merap in.
Ai mintor pagijangon ma au jabolon-Mu.
Anjaha pargogohon mamuji Ham tongtong.
6. Panonggor ni matangku sombuh bahenonMu,
Mangidah hamagouan ni imbangkin ganup.
Au sihol agouonni, hapeni sundat in.
Sininta ni uhurni iambat Tuhan in.
7. Martumbor do parpintor saporti hayu in.
Marranting do mamintor na songon ares in
Sidea na sinuan i parmingguan in
Marbuah do sidea i alaman-Ni in.
8. Sai tubuh ginomparni bai na ubanan in.
Margogoh do homani na dob matua in.
Ringgas iambilankon na pintor Tuhan in.
Na so marhagedukon ganup pambaen-Ni in.