C = do; BL 113
1. O Tonduy na manggoki uhur, ni saksi-saksi na parlobei in,
Seng ongga-ongga marnamundur, mangimbang munsuh ni Tuhanta in
Puhoi pakon uhur nami on mangambilankon Jesus in tongtong
2 . Andohar apuy-Mu ma gara, marlintun bani bangsa haganup,
Jahowa, Ham paingkat halak na bujur mangkatahon hata-Mu,
Kawahkon Ham bolag sabion in, jabolon-Mu seng piga ope in.
3. Ai anak-Mu do mangajarhon bannami hata pangindoan in;
Buei do na mangkaringgaskon lao mangkorjahon na nidok-Ni in,
Halani ai, tangihon Ham ma in, Nimu lah Amen saud ma Hata in.
4. Antong buei baen Ham suruhan, na sai tongtong igoki Tonduy-Mu.
Janah na ringgas marambilan manogu halak hu gomgoman-Mu,
Taluhon Ham sibolis in tongtong ramoti hata-Mu i tanoh on .
5. Urupi Ham hanai hun Sion sai suruh Ham bannami Tonduy-Mu,
Lao paluahkon hajolmaon usih songon na binagahkon -Mu ,
Sondangi Ham ganup dunia on, pasiat hata-Mu i tanoh on.
6. Sai bahen Ham doras mardalan hu sab dunia on ambilan-Mu .
Sai bahen Ham marhulan-hulan, halak na masuk hu Kuria-Mu;
Puhoi pakon Israel ganup, ‘se mulak use hu Kuria-Mu ,
7. Pauli Sion na marumbak, padaoh Ham na mangambat hata-Mu ;
O Tuhan, roh ma Ham manumpak horja ni haganup jabolon-Mu.
Sai tong pansing ma pohon anggur-Mu, ase ibere buah hu Bamu .
8. Kawahkon Ham ma parguruan, sai Tonduy-Mu ma sorap bai ganup.
Sihatkon Hata hagoluhan bai uhur ni parguru in ganup .
Sai suruh Ham ma guru na bujur, paruhur mangondingi tong botul.