C = do
1. O, Ulu na sab daroh ibaen ugah-Mu in
Humbani janggar-janggar duri parsilang in
O ulu hatunggungon hinan sihilapMu
Itaron Ham madorun; manombah au Bamu
2. Ham parsinalsal bohi, tarsulur sangap-Mu.
Ai mase ma marposi sab tijur huyum-Mu?
Ai aha ma halani ’se gombur mata-Mu?
Na miloh sinalsalsi, dob rotap hosah-Mu.
3. Au on talup, o Tuhan manaron sisonin
Dousangku do iporsan Ham na tarsilang in
Sai tonggor Ham, o Tuhan, au na ilobei-Mu
Anjaha patuduhkon hu bangku layak-Mu
4. Ai Ham do Siparmahan, ai pinarmahan-Mu.;
Sai Ham do harorohan, goluhku hun Bamu.
Sai ham ma rohoponku mardingat daroh-Mu.
Sai Ham do jolomoanku mardingat ugah-Mu.
5. Malas tumang uhurhu janah sonang tumang
Mardingat pangkopkop-Mu hu bangku na hinan
Lang be huhabiari sonari dousangkin
‘Ge matei au sonari martuah au ijin
6.
Tarima kasih ningku Bamu, ale Tuhan.
Parmatei-Mu, Tuhanku mambaen au sonang.
Ai daroh-Mu madurus, halani dousangkin.
Sai jalo au o Jesus, bani parmateihin.
7. Sanggah tadingkononku na idunia on.
Ijin, ale Tuhanku, dapotkon Ham au on!
Bai na gobir uhurhu manrotap hosahkin.
Sai jalo Ham tonduyhy bani parmateihin.
8. Sai Ham parlingodanku, Pangapoh uhurhin.
Bai rotap ni hosahku, bani parmateihin.
Ijin ma dingatonku ganup tinaron-Mu.
Na timbul do tuahku ibaen parmatei-Mu.