Es = do; BL 217
1. Sai togu Ham hu hasonangan au on o Jesus Tuhankin
Humbai ganup horja larangan, sai sairang Ham au on hunjin
Ija ma jumpah hagoluhan na so ibere Ham o Tuhan
Marhitei-hitei daroh-Mu?
Sai tong paunduk Ham uhurhu,
Ulang dong be sura-surangku, na so talup bai uhur-Mu.
2. Ham o Rajangku, ulang lopas lao ganggang hun Bamu au on
Patogus Ham janah pahoras bai parhuanon-Mu au on
Ija ma jumlah hatuahon i darat ni na pinindahan
ni holong-Mu hubangku on?
Hubotoh halani Hata-Mu, sai hot igolom in uhurhu
Sai hasonangankin do Ham
3. Sai sol bujur paruhuronku sadokah na manggoluh au
Ai ham tumang haholonganku, Bamu marhatundalan au
Sai tong ma jaga Ham uhurhu, pingkiran ampa parlahouhu
Tongon do anak-Mu do au
Pamasuk Ham ma au on, o Tuhan hubai ianan-Mu na sonang
Sai songon Ham i surga in
4. Ai domma pag au on manaron ganupan na maborit in
Na ra ma au arian borngin lao mangirikkon Jesuskin
Ringis ni jolma pe hutaron, ge iapasi pe hutaron
Sai huusihi Jesuskin
Ai bani ujungni langkahku, ijai ma hamalaskononku
Ganup na dong bai Tuhankin