Es = do; BL 99
1. Uhurhu hamegahkon ma, na roh humbani Naibata.
Ganup dear layak-Ni;
ai tonggor ma gan juma in, harangan pakon pohon in
majenges do rupani, majenges do rupani
2. Ganupan na ijuma in,sai pasangapkon Goran-Ni
Tuhanta Naibatanta;
Ai omei i jumanta in, ‘ge bulung na maratah in,
Ipuji do Tuhanta, ipuji do Tuhanta.
3. Ganupan bunga-bunga pe, na lobih dear in hape
humbani sidearan,
ni si Suleman, raja in, in ma patambah sangap ni
Tuhanta na iatas, Tuhanta na iatas.
4. Marhata manuk-manuk in, marsora na laingan in,
Tuhanta idodingkon;
Bonsala, roba-roba in ampakon ni na legan in,
Lurlur tumang tangaron, lurlur tumang tangaron.
5. Sonaha au mangar in, tor sip soh-soh ma au ijin?
Palis ma in, uhurhu!
Ibahen ai sai dihut au, mamuji ‘pa maniru au
Mamuji Naibatanku, mamuji Naibatangku.
6. Sonin pe na madear in, na jenges in i tanoh in,
sonaha ma magira
na dear in i surga in? In ma pingkiri, uhurhin,
hujin ma ho palongkot, hujin ma ho palongkot.
7. In ma tongon, sai sol hujin pintorhononku tonduyhin,
hu lobei ni Tuhanku.
Ijin mandoding-doding au, ijin marhasangapon au
mamuji Naibatangku, mamuji Naibatangku.