C = do
1. Jahowa sihol pujionku, ai Ham do Naibata Sitompa au.
Sai suruh Tonduy-Mu hu bangku, mangajar au mamuji goran-Mu.
Marhitei-hitei Jesus AnakMu, ase dear dodingku hu Bamu.
2. Bai Anak-Mu bobahon ahu, ase Bamu iboban au homa.
Sorapkon Tonduy-Mu hu bangku, manogu au bai dalan na torsa.
Ase tongtong gok damei uhurhin, janah mesek mamuji goran-Mu.
3. Sai holong atei-Mu Jahowa! Papandei au mamuji goran-Mu.
Sai ulang asal puas hata, ningon botul mamuji hu Bamu.
Ham Bapa, Anak pakon Tonduy-Mu, doskon na jongjong au i lobei-Mu.
4. Tonggongku na lang tarpajojor, Tonduy Na Pansing patalarhon in.
Au gabe anak-Mu goranon, Tonduy homa do mangkatahon in.
Ase ibagas Kristus Anak-Mu boi au mardilo Bapa hu Bamu.
5. Ai Tonduy-Mu do mangajarhon martonggo au domu bai rosuh-Mu.
Sir-sir do tong Ham manangihon tonggongku marhiteihon Anak-Mu.
Ibagas Jesus jaloonku do, mardapot-dapot pasu-pasu-Mu.
6. Sonin ma au marolob-olob, marhamegahon malas uhurhin.
Ai ra do Ham mamparuhurhon, na husuhutkon hu Bamu ijin.
Pasu-pasu-Mu sai sirnip do in, lobih hun bani panagamankin.
7. Ibagas Kristus au manean, ai pitah Ia hasiholankin.
Marhitei Jesus sai saud ma Amen, na hupindohon rapkon Tonduy in.
Hupuji Ham ronsi sadokahnin, ai Ham tumang do hamegahonkin.
Choral Buch 44, Hale, 1704 (KJ. 8)