G = do
1. Mase Ham sohsoh idarat, Ham na pagoluhkon au?
Ulang Ham marnamangadi, roh ma Ham marayak au
Jesus hagoluhankin, on do pangindoankin
Sai pamalum Ham uhurhu, humbai borit ni ugahku
2 . Anggo ugah , ai ma dousa, in do mamusoki au
Na sai tong manosak hosah , ampa damei ipadaoh
Iburai titah au binahen ni dousangkin ;
Lang dong jumpah haluahon, anggo seng Ham pasirsirhon.
3. Huayaki pe hasoman padaohkon horungkin .
Lambin tambah hadabuhan, hotopan baenon ni in.
Ham do harorohan ni ganup hasonangan in;
In pe roh ma Ham , 0 Jesus, holong atei-Mu hu bangku.
4. Tenger uhurhon bai Jesus, itangihon tonggongkin;
Uhurhon do tong itohu, gabe ianan-Ni in ;
Jumpah hasonangan in, ampa hatuahon in;
Puho ho, ale uhurhu, halupahon ma horumu .
5. Aha be habiaranku, au hinaholongan-Mu?
Seng ihira Naibatangku, haganupan dousangkin ;
Ai pintor do au ibaen, mintor anak au iain.
Siparrupei bai goran-Ni , sipanean bai arta-Ni.