Bes = do; BL 193
1. Marigat langit ni langitan ibaen holongni uhur-Mu
Bannami ganup naboritan, patalar Ham ma holong-Mu
Ididah jolma haganupan pangisi ni dunia on
Ai roh do ham tongon, o Tuhan, mangkopkop ganup jolma on
2. Iporsan ham do ganup dousa ni manisia haganup
In ma mambaen marutang hosah, Ham manggalari in ganup
Itaron Ham do hamateian, bai hayu na marsilang in
Pamasuk Ham hanai, manean, na mantin na i surga in
3. Tarima kasih ma uhurhu Bamu, o Jesus Tuhankin!
Salosei do ganup dousangku, halani parmatei-Mu in
Maluah humbai hamagouan, au on ibaen holong-Mu in
Hupuji goran-Mu, o Tuhan, sadokah ni dokahni in
4. Sai ham ma tong simada ahu, sadokah au itanoh on
Sai tong dear ma parlahouhu, pasangap Goran-Mu tongtong
Binahen-Mu sai usihanku, manghaholongi jolma in
Galangkononku ma diringku, lao mangusihi Tuhankin